2019ko Europako establezimenduen estatistiken tailerra

Eustatek, 2019ko irailaren 24, 25, 26 eta 27an, European Network for Better Establishment Statistics (ENBES) izenekoaren European Establishment Statistics Workshop (EESW) biurteko workshop-a antolatu du Bilbon UPV-EHUren Bizkaia Aretoan.

Lan-tailerren seigarren edizioa da Bilboko EESW. Tailer horien helburua da metodologia garatzea establezimendu eta enpresen estatistiketan, fase guztietan: inkestak diseinatzea, datuak lortzea, emaitzak zenbatestea eta aztertzea. Hasieratik, EESW goi-mailako topagunea da estatistika ofizialaren agendan, bai estatistika ofizialeko metodologoentzat, bai unibertsitateko ikertzaileentzat eta sektore pribatuko profesionalentzat. Esperientziak eta metodologia eta teknika berriak trukatzeko bidea ematen duen ekitaldia da, establezimenduen estatistiken arloan jardunbide onenak hedatzea ahalbidetzen duena.

Informazio gehiago: statswiki.unece.org